Ditzionàriu in línia
de sa limba e de sa cultura sarda

arrosciméntu , nm: arruscimentu, orrossimentu Definition istrachidúdine o immarritzone mentale o genia de tzatzadura chi si provat a fortza de fàere una matessi cosa o de si agatare sèmpere in d-una matessi manera, matessi logu Synonyms e antonyms arrosciu, cascariu, coloviamentu, ifadu, impalagamentu, istufonzu, isvilu Sentences po s'arroscimentu de sa genti at atuau is fragatas e si nc'est andau! Etymon srd. Translations French saturation psychologique, ennui English tedium Spanish hartazón Italian saturazióne psicològica, tèdio German Überdruß.

cascaríu , nm: cascaviu, cascàviu Definition immarritzone mentale o genia de orroschimentu chi si provat a fortza de fàere a sa sighia una matessi cosa o de si agatare sèmpere de sa matessi manera, in su matessi logu Synonyms e antonyms arroscéntzia, arroscimentu, coloviamentu / refudu Sentences su cascaviu est malu, in campu, candho istas tempos e tempos chentza bídere a neune! 2. la tenzo a cascàviu sa zente irventiada! ◊ in domo sa fae l'amus a cascàviu (G.Ruju) Etymon srd. Translations French saturation psychologique English psycological saturation Spanish agobio mental Italian saturazióne psicològica German psychische Sättigung.

coloviaméntu , nm Definition immarritzone mentale o genia de orroschimentu chi si provat a fortza de fàere una matessi cosa o de si agatare sèmpere in d-una matessi manera, in su matessi logu Synonyms e antonyms arroscimentu, cascariu, impalagamentu Etymon srd. Translations French saturation psychologique English psycological saturation Spanish agobio Italian saturazióne psicològica German psychische Sättigung.